Tu septiformis munere,

digitus paternae dexterae,

tu rite promissum Patris,

sermone ditans guttura.

Accende lumen sensibus,

infunde amorem cordibus,

infirma nostri corporis

virtute firmans perpeti.

Hostem repellas longius

pacemque dones protinus;

ductore sic te praevio

vitemus omne noxium.

Per te sciamus da Patrem

noscamus atque Filium,

te utriusque Spiritum

credamus omni tempore.

Deo Patri sit gloria

et Filio, qui a mortuis;

surrexit, ac Paraclito

in saeculorum saecula.

Amen.